Velkommen til vårt visningssenter

• Varigheit: ca. 2 timer
• 15 min båttur med båt, ein veg. Me hentar og bringer deg frå kaia på Fitjar.
• Guida visning med erfarne visningsvertar.
• Visning på oppdrettsanlegget og i utstillinga vår.
• Me har støvlar, redningsdressar og redningsvestar i alle storleikar.
• Smak på fisken.

• Kunnskap om lakseoppdrett.
• Moglegheit for å bestille lunsj eller middag (sjå eigen meny).
• Eignar seg for alle aldersgrupper – frå små barn til gamal krok.
• Me kan hjelpe til med organisering av båtskyss for større grupper og frå andre utgangspunkt enn Fitjar.

Visningsanlegget ligg nord for Engesund i Fitjarøane, og er plassert ved oppdrettsanlegget vest for Dyrholmen. Sidan dette er eit matfiskanlegg som ligg på sjø, er ein avhengig av båt for å kome seg dit. Ein kan anten kome med eigen båt, eller me kan hente dykk i ein av våre båtar. Turen i seg sjølv er ei oppleving. Ein kjem nær sjøen og naturen i det flotte øyriket utanfor Fitjar.

Skal du til Engesund Fiskeoppdrett Visningssenter landvegen køyrer du til Fitjar sentrum. Fitjar ligg 10 minutt frå E39 ved Sandvikvåg og 30 minutt frå Leirvik sør på Stord, midt mellom Bergen og Haugesund. Det er altså god tilkomst både frå sør og nord langs vegen. Ved spesielle høve kan me hente andre stadar enn på Fitjar, til dømes er det kort avstand over til Austevoll og Bømlo via sjøvegen. For transport må me ta nokre atterhald om vêret.